«Մեծ սաղավարտի» մրցաշարերի ութակի չեմպիոն Անդրե Աղասին ապրիլի 21-ին Շտուտգարտում ցուցադրական հանդիպում կանցկացնի ռուսաստանցի Մարիա Շարապովայի հետ, հաղորդում է tennisnet-ը։
Ապրիլի 18-ից 26-ը Շտուտգարտում տեղի կունենա «Պորշե թենիս Գրան պրի» ավանդական մրցաշարը։ «Պորշեի» թանգարանի մոտ Շարապովայի եւ Աղասու ցուցադրական հանդիպման համար կկառուցվի ժամանակավոր կորտ։ Մուտքը կլինի ազատ։
Շարապովան հրաժարվել է մասնակցել ապրիլի 18-19-ին Սոչիում կայանալիք Ֆեդերացիայի գավաթի խաղարկության համաշխարհային խմբի կիսաեզրափակիչին։ Ռուսների մրցակիցը Գերմանիայի հավաքականն է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։