Զլատան Իբրահիմովիչի որակազրկումը կրճատվել է
22:38 17 ապրիլի, 2015ՊՍԺ-ի շվեդ հարձակվող Զլատան Իբրահիմովիչի որակազրկումը կրճատվել է մեկ խաղով, հաղորդում է francefootball-ը: ՊՍԺ-ն բողոքարկել էր թիմի առաջատարի որակազրկումը: Իբրահիմովիչը բաց կթողնի Ֆրանսիայի առաջնության երեք հանդիպում եւ չի կարողանա օգնել փարիզյան թիմին «Նիցայի», «Լիլի» եւ «Մեցի» դեմ հանդիպումներում:
Հիշեցնենք, որ Զլատան Իբրահիմովիչը որակազրկվել էր Ֆրանսիայի մասին առանց հարգանքի հրապարակային հայտարարություն անելու համար:
«Բորդոյի» դեմ խաղից հետո 33-ամյա ֆուտբոլիստը մրցավարությունից դժգոհ՝ հայտարարել էր, որ Ֆրանսիան զզվելի երկիր է եւ արժանի չէ ՊՍԺ-ի նման ակումբի, նաեւ քննադատել էր մրցավարին: Որոշ ժամանակ անց Իբրահիմովիչը ներողություն խնդրեց խոսքերի համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։