Շչերբաչենկոն հեռացել է «Ուլիսի» գլխավոր մարզիչի պաշտոնից
20:03 17 ապրիլի, 2015Ֆյոդոր Շչերբաչենկոն հեռացել է Երեւանի «Ուլիսի» գլխավոր մարզիչի պաշտոնից, հաղորդում է ակումբի մամուլի քարտուղարությունը: Մասնագետի եւ ակումբի համաձայնությամբ պայմանագիրը խզվել է: «Ուլիսի» ղեկավարությունը շնորհակալություն է հայտնել ռուս մարզիչին կատարած աշխատանքի համար:
Հիշեցնենք, որ Ֆյոդոր Շչերբաչենկոն օգնում էր «Ուլիսին» Անթալիայում կայացած ուսումնամարզական հավաքի ժամանակ, իսկ առաջնության վերսկսումից անմիջապես առաջ նա նշանակվեց թիմի գլխավոր մարզիչ:
Հայաստանի առաջնության 20 խաղում «Ուլիսը» վաստակել է 38 միավոր եւ երրորդ տեղում է: Նույնքան միավոր ունի 21 հանդիպում անցկացրած «Շիրակը»: Առաջատարը «Փյունիկն» է՝ 45 միավոր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։