ՖԻՖԱ. Հայաստանի հավաքականն առաջադիմել է 2 աստիճան
12:40 9 ապրիլի, 2015Ֆուտբոլի Հայաստանի ազգային հավաքականը Եվրո-2016-ի ընտրական փուլում ալբանացիներից կրած պարտությունից հետո ՖԻՖԱ-ի դասակարգման աղյուսակում առաջադիմել է 2 աստիճանով եւ զբաղեցնում է 77-րդ տեղը: Առանց գլխավոր մարզիչի մնացած Հայաստանի թիմի միավորների քանակը 437-ից հասել է 449-ի:
Լավագույն եռյակում տեղի է ունեցել մեկ փոփոխություն: Բելգիացիները շրջանցել են Կոլումբիայի հավաքականին՝ բարձրանալով երրորդ տեղ: Առաջատարն աշխարհի չեմպիոն Գերմանիան է, որին հաջորդում է Արգենտինան:
Եվրո-2016-ի ընտրական փուլում Հայաստանի հավաքականի մրցակից պորտուգալացիները 7-րդն են, դանիացիները՝ 28-րդը, սերբերը՝ 44-րդը, իսկ ալբանացիները՝ 54-րդը: Լավագույն տասնյակում են նաեւ՝ Բրազիլիան, Հոլանդիան, Ուրուգվայը, Շվեյցարիան եւ Իսպանիան:
Հիշեցնենք, որ Հայաստանի հավաքականը ընտրական հաջորդ խաղն անցկացնելու է հունիսի 13-ին՝ Երեւանում ընդունելով պորտուգալացիներին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։