Եվրո-2016. Չեռնոգորիային գրանցվել է տեխնիկական պարտություն Ռուսաստանի հետ ընդհատված խաղում
20:18 8 ապրիլի, 2015Ֆուտբոլի Եվրոպայի առաջնության ընտրական մրցաշարի Չեռնոգորիա - Ռուսաստան ընդհատված խաղում 0։3 հաշվով տեխնիկական պարտություն է գրանցվել հյուրընկալած թիմին հաղորդում է Rsport-ը։ Որոշումն ընդունել է ՈւԵՖԱ-ի կարգապահական կոմիտեն։
Հիշեցնենք, որ մարտի 27-ի Չեռնոգորիայի մայրաքաղաք Պոդգորիցայում անցկացված եւ անավարտ մնացած խաղի 66-րդ րոպեին ռուսների անհաջող իրացրած 11 մետրանոցից հետո տանտերերի ֆանատները տրիբունայից խաղադաշտ էին նետել տարբեր իրեր եւ բախում էր տեղի ունեցել երկու թիմերի ֆուտբոլիստների միջեւ: Գերմանացի գլխավոր մրցավար Դենիզ Այտեկինը որոշել էր չշարունակել խաղը, քանի որ այն դադարեցվել էր նաեւ առաջին րոպեին, երբ ֆանատներից մեկը ծխագլանով հարվածել էր Մոսկվայի ԲԿՄԱ-ի ռուս դարպասապահ Իգոր Ակինֆեեւի գլխին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։