Զավեն Բադոյան. Արդյունք ապահովելը մարզիչի գործն է
23:49 1 ապրիլի, 2015Երեւանի «Փյունիկի» եւ ֆուտբոլի Հայաստանի հավաքականի կիսապաշտպան Զավեն Բադոյանը խոսել է Եվրո-2016-ի ընտրական փուլում Ալբանիայից կրած պարտության եւ Հայաստանի առաջնության մասին:
«Հետաքրքիր ձեւով պատրաստվեցինք Ալբանիայի դեմ խաղին, լավ վերլուծել էինք մրցակցի ուժեղ եւ թույլ կողմերը։ Շատ մոտ էինք հաղթանակին, բայց, ինչպես միշտ, ինչ-որ մի բան չբավականացրեց։ Հովհաննես Համբարձումյանի կարմիր քարտը բեկեց ամբողջ խաղի ընթացքը։ Արդյունք ապահովելը մարզիչի գործն է, եթե դա չի հաջողվում, հատկապես ազգային հավաքականի ղեկին, մտածել է պետք։ Ինչպես գիտենք, նման պայմանավորվածություն կար, որ անհաջողության դեպքում Բեռնար Շալանդը հրաժարական է տալու։
Թեեւ չորս միավորով առաջ ենք, բայց պետք չէ նայել Հայաստանի առաջնության մրցաշարային աղյուսակին: Հիմա «Փյունիկում» այնպիսի տղաներ են հավաքված, որ գեղեցիկ խաղով պայքարելու են դաշտում միայն հաղթանակի ու 3 միավորի համար: Շանսերը վերջում կտեսնենք: Մինչեւ «Փյունիկին» միանալը երկու ամիս մարզվել էր ոչ թե թիմի հետ, այլ՝ անհատական ծրագրով: Տարբերություն չկա՝ կխաղամ ձախ եզրում, թե՝ աջ: Խաղային դրվագներում է այդպես ստացվում: Եթե աջ կիսապաշտպանը ձախ կողմում է հայտնվում, ես արդեն աջ եզրը պետք է փակեմ»,- Բադոյանի խոսքը մեջբերում է ակումբի մամուլի ծառալությունը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։