Ռումյան Հովսեփյան. Երազանքս իրականացնելու համար շնորհակալ եմ Շալանդին
09:11 1 ապրիլի, 2015Դոնեցկի «Մետալուրգի» եւ Հայաստանի հավաքականի կիսապաշտպան Ռումյան Հովսեփյանը շնորհակալություն է հայտնել ազգային թիմի գլխավոր մարզիչի պաշտոնից հեռացած շվեյցարացի Բեռնար Շալանդին:
«Այն ժամանակահատվածում, երբ այս մարդը մեր ազգային հավաքականի մարզիչն էր, ես դարձա հավաքականի մի մասը, որի համար ես շատ հպարտ եմ, եւ հենց դրա համար էլ շնորհակալ եմ պարոն Շալանդին՝ իմ երազանքն իրականացնելու համար:
Յուրաքանչյուր պահի զգում էի, որ կար մեկը, ով մտածում է խաղացողներից յուրաքանչյուրի ու թիմի մասին, ով ուզում էր մեզ ավելիին հասցնել: Նա արեց հնարավորը իր ուժերի սահմաններում հավաքականի համար: Մաղթում եմ նրան հաջողություն իր հետագա ծրագրերում»,- Ֆեյսբուքում գրել է Ռումյան Հովսեփյանը:
Հիշեցնենք, որ Բեռնար Շալանդը պաշտոնից հեռացել է Եվրոպայի առաջնության ընտրական մրցաշարում Ալբանիայի թիմից կրած 1:2 հաշվով պարտությունից հետո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։