Իտալական «Ուդինեզեի» ու Ռումինիայի ազգային հավաքականի հարձակողական ոճի կիսապաշտպան Գաբրիել Թորժեն կարիերան կշարունակի Իսպանիայի Պրիմերայում:
Հաջորդ մրցաշրջանում 22-ամյա ֆուտբոլիստը վարձավճարով հանդես կգա իսպանական «Գրանադայում»:
«Այս տարբերակն ավելի հարմար է Թորժեի համար: «Գրանադան» խաղում է 4-2-3-1 եւ 4-3-3 տակտիկական սխեմաներով, ինչը համապատասխանում է նրա խաղաոճին: Հաջորդ մրցաշրջանում Գաբրիելը կապացուցի իր բարձր կարգը»,- ռումինացի ֆուտբոլիստի գործակալ Կրիստիան Օպրիայի խոսքը մեջբերում է Football Italia-ն:
Գաբրիել Թորժեն 2011 թվականին Բուխարեստի «Դինամոյից» է տեղափոխվել «Ուդինեզե»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։