Հենրիխ Մխիթարյան. Ցանկանում եմ երախտագիտությունս հայտնել Բեռնար Շալանդին
00:20 31 մարտի, 2015Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանը շնորհակալություն է հայտնել շվեյցարացի մարզիչ Բեռնար Շալանդին ազգային հավաքականում համատեղ աշխատանքի համար:
«Ցանկանում եմ երախտագիտությունս հայտնել մեր մարզիչ Բեռնար Շալանդին հայկական ֆուտբոլում ներդրման, նվիրվածության եւ պրոֆեսիոնալիզմի համար: Իսկական հաճույք էր այսպիսի մարզիչի հետ աշխատելը: Ես շատ եմ գնահատում ինձ տված նրա խորհուրդները: Մեր համատեղ աշխատանքը կարճ էր, բայց ցանկանում եմ շնորհակալություն հայտնել նրան աջակցության համար եւ մաղթել լավագույնը հետագա գործունեությունում»,- գրել է Հենրիխ Մխիթարյանը ֆեյսբուքյան էջում:
Հիշեցնենք, որ Եվրոպայի առաջնության ընտրական մրցաշարում Ալբանիայի հավաքականից 1:2 հաշվով կրած պարտությունից հետո Բեռնար Շալանդը հեռացել է Հայաստանի հավաքականի գլխավոր մարզիչի պաշտոնից:
Ֆոտո՝ NEWS.am Sport
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։