Եվրոպայի առաջնության ընտրական մրցաշարի A, B եւ H խմբերում ավարտվեցին 5-րդ տուրի հանդիպումները:
A խմբում Հոլանդիայի հավաքականը տանը ավելացված երրորդ րոպեին միայն կարողացավ փրկել Թուրքիայի հավաքականի հետ հանդիպումը՝ 1:1 եւ 7 միավորով երրորդ տեղում է: Թուրքիան ունի 5 միավոր: Մրցաշարային աղյուսակը 13 միավորով գլխավորում է Չեխիայի հավաքականը, մեկ միավոր քիչ ունի Իսլանդիան:
B խմբում Բելգիայի հավաքականը 5:0 հաշվով պարտության մատնեց Կիպրոսի թիմին եւ 4 խաղից հետո 8 միավորով երրորդ տեղում է: Կիպրոսը 6 միավորով չորրորդ տեղում է: Բոսնիա-Հերցեգովինան Էդին Ջեկոյի երեք գոլերի շնորհիվ հաղթեց Անդորրայի հավաքականին եւ 5 խաղից հետո 5 միավորով նախավերջին տեղում է: Խմբի առաջատարը Ուելսն է՝ 11 միավոր: Իսրայելը երկրորդ տեղում է՝ 9 միավոր:
H խմբում Իտալիայի հավաքականը Սոֆիայում ոչ ոքի խաղաց բուլղարացիների հետ՝ 2:2: Իտալիան 11 միավորով մնաց երկրորդ տեղում: Առաջատարը Խորվաթիայի թիմն է, որը վաստակել է 13 միավոր: Բուլղարիան 5 միավորով չորրորդ տեղում է եւ չորս միավոր է զիջում երրորդ տեղում ընթացող Նորվեգիային:
Եվրո-2016, ընտրական փուլ
Հոլանդիա - Թուրքիա՝ 1:1
Հունտելաար, 90+3 - Բուրակ Յիլմազ, 37
Չեխիա - Լատվիա՝ 1:1
Վացլավ Պիլարժ, 90 - Ալեքսեյ Վիշնյակով, 30
Ղազախստան - Իսլանդիա՝ 0:3
Էյդուր Գուդյոնսեն, 20, Բիրկիր Բյարնասոն, 32, 90+1
Բելգիա - Կիպրոս՝ 5:0
Մարուան Ֆելաինի, 21, 66, Կրիստիան Բենտեկե, 35, Էդեն Ազար, 67, Միշի Բատշուայի, 81
Անդորրա - Բոսնիա եւ Հերցեգովինա՝ 0:3
Էդին Ջեկո, 13, 49, 62
Իսրայել - Ուելս՝ 0:3
Աարոն Ռեմսի, 45+1, Գարեթ Բեյլ, 50, 77
Հեռացում՝ Էյտան Տիբի (Իսրայել), 51, երկրորդ դեղին քարտ
Բուլղարիա - Իտալիա` 2:2
Իվելին Պոպով, 11, Իլիան Միցանսկի, 17 – Յորդան Մինեւ, 4, ինքնագոլ, Էդեր, 84
Խորվաթիա - Նորվեգիա` 5:1
Մարսելո Բրոզովիչ, 30, Իվան Պերիշիչ, 54, Իվիցա Օլիչ, 66, Գորդոն Շիլդենֆելդ, 87, Դանիել Պրանյիչ, 90+4 – Ալեքսանդեր Տետի, 81
Հեռացում՝ Վեդրան Չորլուկա (Խորվաթիա), 74, երկրորդ դեղին քարտ
Ադրբեջան - Մալթա` 2:0
Ջավիդ Հուսեյնով, 4, Դմիտրի Նազարով, 90+2
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։