Լեգենդար արգենտինացի ֆուտբոլիստ Դիեգո Մարադոնան ՖԻՖԱ-ի նախագահի ընտրություններում աջակցում է կազմակերպության փոխնախագահ, Հորդանանի արքայազն Ալի բին Ալ Հուսեյնին, հաղորդում է ole.com.ar-ը:
«Ես տեսել եմ, թե ինչպես է Ալ Հուսեյնը զարգացրել ֆուտբոլը Մերձավոր Արեւելքում: Նա պայքարում է ֆուտբոլում կոռուպցիայի դեմ եւ ցանկանում է դրական փոփոխություններ անել ֆուտբոլում: Առաջիկա ընտրություններում ես աջակցում եմ նրան, որպեսզի ՖԻՖԱ-ն վերջապես բարեփոխվի»,- ասել է Մարադոնան:
Մայիսի 29-ին Ցյուրիխում կայանալիք ընտրություններում Ալ Հուսեյնից բացի առաջադրվել են ՖԻՖԱ-ի նախագահ Յոզեֆ Բլատերը, Հոլանդիայի ֆուտբոլի ֆեդերացիայի նախագահ Միխայել վան Պրաագը եւ Պորտուգալիայի հավաքականի նախկին ֆուտբոլիստ Լուիշ Ֆիգուն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։