Չեռնոգորիայի դեմ սկանդալային խաղում ռուս ֆանատներն այրել են ՆԱՏՕ-ի դրոշը
19:12 28 մարտի, 2015Youtube-ում տեղադրված տեսանյութի հեղինակները պնդում են, որ Եվրոպայի առաջնության ընտրական մրցաշարի Չեռնոգորիա - Ռուսաստան հանդիպման ժամանակ ռուս ֆանատներն այրել են Հյուսիսատլանտյան դաշինքի՝ ՆԱՏՕ-ի, դրոշը։ Տեսանյութում երեւում է, թե ինչպես է տրիբունայում այրվում մեծ դրոշ։ Պետք է նշել, որ Ռուսաստանի ֆուտբոլային միությունը հանդիպման 200 տոմս է վաճառել սերբ ֆանատներին եւ չի բացառվում, որ հենց նրանք են այրել դրոշը։
Հիշեցնենք, որ ֆուտբոլի Չեռնոգորիայի եւ Ռուսաստանի հավաքականների միջեւ Եվրո-2016-ի ընտրական խաղը 68-րդ րոպեին դադարեցվել էր տրիբունայից խաղադաշտ նետված իրերի եւ երկու թիմերի ֆուտբոլիստների միջեւ բախման պատճառով:
Խաղի առաջին րոպեին ֆանատներից մեկը տրիբունայից ծխագլանով հարվածել էր ռուս դարպասապահ Իգոր Ակինֆեեւին, ով խաղադաշտից դուրս էր բերվել պատգարակով եւ տեղափոխվել էր հիվանդանոց։
ՈւԵՖԱ-ն միջադեպը կքննարկի մարտի 30-ին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։