Չեռնոգորիա - Ռուսաստան խաղի ժամանակ Կոմբարովի ուղղությամբ դանա՞կ են նետել

Ֆուտբոլի Չեռնոգորիայի եւ Ռուսաստանի հավաքականների միջեւ Եվրո-2016-ի ընտրական խաղը 68-րդ րոպեին դադարեցվել էր տրիբունայից խաղադաշտ նետված իրերի եւ 2 թիմերի ֆուտբոլիստների միջեւ բախման պատճառով:

«Սպարտակի» «Фратрия» երկրպագուական շարժման համաձայն՝ Չեռնոգորիայի մայրաքաղաք Պոդգորիցայում անցկացված եւ անավարտ մնացած խաղի 68-րդ րոպեին մոսկովյան ակումբի ռուս պաշտպան Դմիտրի Կոմբարովի ուղղությամբ նետել են դանակ:

Հիշեցնենք, որ խաղի առաջին րոպեին ֆանատներից մեկը տրիբունայից ծխագլանով հարվածել էր ռուս դարպասապահ Իգոր Ակինֆեեւին, ով խաղադաշտից դուրս էր բերվել պատգարակով եւ տեղափոխվել էր հիվանդանոց, բայց արդեն լավ է զգում իրեն: