«Բարսելոնայի» կիսապաշտպան Չավին Քաթարում դիտարկվում է այդ երկրի ազգային հավաքականի գլխավոր մարզիչի թեկնածու, հաղորդում է AS-ը։ 2022թ. աշխարհի առաջնության եզրափակիչ մրցաշարը տեղի է ունենալու Քաթարում, եւ այդ երկրի ֆուտբոլային ղեկավարությունը փնտրում է անվանի մասնագետի, ով կպատրաստի թիմին աշխարհի առաջնությանը։ Քաթարի թիմն ազատ է ընտրական մրցաշարից։
Հիշեցնենք, որ Չավին կարիերան կշարունակի Քաթարի «Ալ Սադ» ակումբում։ Ֆուտբոլիստը երեք տարվա (եւս մեկ տարի երկարաձգելու հնարավորությամբ) պայմանագիր է կնքել եւ կատալոնական ակումբից կհեռանա ամռանը։ Չավիի տարեկան աշխատավարձը կլինի 10 միլիոն եվրո։
35-ամյա Չավին մտադիր է Քաթարում ստանալ նաեւ մարզչական արտոնագիր։ Բացի այդ, նա կլինի այդ երկրում գործող Aspire ֆուտբոլային ակադեմիայի խորհրդականը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։