Ֆրանսիայի ֆուտբոլի ֆեդերացիան Փարիզի «Ստադ դե Ֆրանս» ստադիոնում կայացած Ֆրանսիա – Բրազիլիա ընկերական հանդիպումից առաջ մեծարեց այն ֆուտբոլիստներին, ովքեր 100-ից ավելի խաղ են անցկացրել ազգային հավաքականի կազմում։ Մարտի 26-ին նման պատվի արժանացան Զինեդին Զիդանը, Պատրիկ Վիեյրան, Թիերի Անրին, Մարսել Դեսաին եւ Ֆրանսիայի հավաքականի գլխավոր մարզիչ Դիդյե Դեշամը, ով նախկին թիմակիցների հետ դուրս չեկավ խաղադաշտ: Մեծարման երեկոյին հրավիրված էր եղել նաեւ Լիլիան Թյուրամը, ով զբաղվածության պատճառով չի կարողացել ժամանել:
Հիշեցնենք, որ Բրազիլիայի հավաքականը 3:1 հաշվով կամային հաղթանակ տարավ ֆրանսիացիների նկատմամբ: Ֆրանսիայում տեղի ունեցած օդային աղետի պատճառով խաղը սկսվեց լռության րոպեով:
Ֆոտո՝ Mirror
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։