Չավին երեք տարվա պայմանագիր է կնքել Քաթարի «Ալ Սադի» հետ

20:49   26 մարտի, 2015

«Բարսելոնայի» կիսապաշտպան Չավին կարիերան կշարունակի Քաթարի «Ալ Սադ» ակումբում։ Ֆուտբոլիստը երեք տարվա (եւս մեկ տարի երկարաձգելու հնարավորությամբ) պայմանագիր է կնքել եւ կատալոնական ակումբից կհեռանա ամռանը, հաղորդում է AS-ը։ Չավիի տարեկան աշխատավարձը կլինի 10 միլիոն եվրո։

35-ամյա Չավին մտադիր է Քաթարում ստանալ նաեւ մարզչական արտոնագիր։ Բացի այդ, նա կլինի այդ երկրում գործող Aspire ֆուտբոլային ակադեմիայի խորհրդականը։

Հիշեցնենք, որ 2012-2014 թվականներին «Ալ Սադում» հանդես է եկել Մադրիդի «Ռեալի» եւ Իսպանիայի հավաքականի նախկին հարձակվող Ռաուլը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։