Վոլոդյա Ֆրանգուլյանը՝ Եվրոպայի Մ-23 առաջնության ոսկե մեդալակիր
23:31 25 մարտի, 2015Լեհաստանում ավարտված ազատ ոճի ըմբշամարտի Եվրոպայի մինչեւ 23 տարեկանների առաջնությունում Հայաստանի համար ոսկե մեդալ է նվաճել Վոլոդյա Ֆրանգուլյանը: 61 կգ քաշային կարգի եզրափակիչում նա 8:3 հաշվով հաղթել է ուկրաինացի Անդրիյ Սվիրիդին:
Քառորդ եզրափակիչում Ֆրանգուլյանը 6։0 հաշվով հաղթել էր ադրբեջանցի Ահմեդնաբի Գվարզատիլովին, իսկ կիսաեզրափակիչում 9։7 հաշվով ուժեղ էր թուրք Ռեջեպ Տոպալից։
70 կգ քաշային կարգի բրոնզե մեդալի համար գոտեմարտում Իշխան Պողոսյանը 10:21 հաշվով պարտվել է բելառուս Անդրեյ Կարպաչին:
Առաջնության առաջին օրը արծաթե մեդալ էր նվաճել 74 կգ քաշային Գրիգոր Գրիգորյանը:
Ըմբշամարտի Եվրոպայի այս տարիքային խմբի առաջնություն անցկացվում է առաջին անգամ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։