Կոլումբիայի հավաքականի հարձակվող Ռադամել Ֆալկաոն մտադիր է ամռանը հեռանալ անգլիական «Մանչեսթեր Յունայթեդում», որտեղ հանդես է գալիս վարձակալությամբ: Ֆալկաոյի տրանսֆերային իրավունքը պատկանում է «Մոնակոյին»:
Անգլիական թիմի հոլանդացի գլխավոր մարզիչ Լուի վան Գալը Ֆալկաոյին տեղափոխել էր ակումբի երիտասարդական կազմ, ինչը ֆուտբոլիստի համար եղել էր ծանր հոգեբանական փորձություն: Այդ մասին մամուլում նշել էր ֆուտբոլային գործակալներից մեկը: Թեեւ Վան Գալը դեռ վերջնական որոշում չի կայացրել կոլումբացու տրանսֆերի վերաբերյալ, սակայն Ֆալկաոն չի ցանկանում մնալ մի ակումբում, որտեղ չի ընդգրկվում մեկնարկային կազմում, հաղորդում է Manchester Evening News-ը:
Ավելի վաղ, «Մոնակոն» նշել էր, որ Ֆալկաոյի տրանսֆերի վերաբերյալ ունի բազմաթիվ առաջարկներ: Անգլիայի ընթացիկ առաջնությունում Ֆալկաոն մասնակցել է 19 հանդիպման եւ խփել է 4 գնդակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։