Հարավաֆրիկացի հաշմանդամ աթլետ, Պարալիմպիկ խաղերի վեցակի չեմպիոն Օսկար Պիստորիուսը թունավորված լինելու վախի պատճառով հրաժարվում է բանտի սննդից, հաղորդում է belfasttelegraph-ը:
28-ամյա մարզիկը սնվում է բացառապես պահածոյացված բանջարեղենով, որը նա գնում է Պրետորիայի քրեակատարողական հիմնարկի տարածքում գործող խանութից:
Սննդակարգի փոփոխության հետեւանքով Պիստորիուսը նիհարել է եւ նրա պրոթեզներն արդեն չեն համապատասխանում ոտքերին: Հարավաֆրիկացու վարքը պայմանավորված է բազմաթիվ սպառնալիքներով, որոնք նա ստանում է ընկերուհու սպանությունից հետո:
Հիշեցնենք, որ Պիստորիուսը մեղավոր է ճանաչվել ընկերուհու ոչ դիտավորյալ սպանության համար եւ դատապարտվել է հինգ տարվա ազատազրկման:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։