Պրոֆեսիոնալ բռցնքամարտի թեթեւագույն քաշային կարգում երկու վարկածներով աշխարհի նախկին չեմպիոն Վիկ Դարչինյանը (40-7-1, 29 նոկաուտ) ցանկանում է մենամարտել 23-ամյա մեքսիկացի Իվան Մորալեսի հետ (27-0, 15 նոկաուտ), որը աշխարհի նախկին չեմպիոն Էրիկ Մորալեսի կրտսեր եղբայրն է:
Մեքսիկացի բռնցքամարտիկը հայտարարել էր, որ կմենամարտի 53,5 կգ քաշային կարգում: 39-ամյա Դարչինյանը պատրաստ է մենամարտել Մորալեսի հետ այդ քաշային կարգում:
«Մորալեսը չէր կարծում, որ ես կհամաձայնեմ հանդես գալ 53,5 կգ քաշային կարգում: Իսկ հիմա վախենում է ընդունել մարտահրավերս»,- Դարչինյանի խոսքը մեջբերում է Fightnews-ը:
Հիշեցնենք, որ հայ բռնցքամարտիկը փետրվարի 8-ին Մեքսիկայում անցկացրել է վարկանիշային մենամարտ եւ հաղթել մեքսիկացի Խուան Խիմենեսին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։