Մադրիդի «Ռեալի» նախագահ Ֆլորենտինո Պերեսը չի ցանկանում թիմի առաջատար Կրիշտիանու Ռոնալդուին պահել Արքայական ակումբում մինչեւ նրա պայմանագրի ավարտը, գրում է Sport.es-ը:
Պարբերականի տվյալներով, արդեն ընդունվել է վերջնական որոշում եւ այս ամռանը կամ հաջորդ տարի կվաճառվի պորտուգալացի ֆուտբոլիստի տրանսֆերային իրավունքը: Պերեսը ցանկանում է հնարավոր առավելագույն եկամուտ ստանալ Ռոնալդուի վաճառքից: Նրա պայմանագիրը «Ռեալի» հետ նախատեսված է մինչեւ 2018 թվականը, երբ «Ոսկե գնդակի» եռակի դափնեկիրը կլինի 34 տարեկան: Բացի այդ նշվում է, որ Ռոնալդուն ունի չբուժվող վնասվածքներ եւ խաղում է ցավերով: Այդ ամենի հետեւանքով, 2016-ից հետո Ռոնալդուի տրասնֆերային արժեքը զգալիորեն կնվազի:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։