Արտյոմ Խաչատուրով. Չեմ ափսոսում, որ ընտրել եմ Հայաստանի հավաքականը
19:12 5 մարտի, 2015Քիշնեւի «Զիմբրուի» նորեկ, Հայաստանի հավաքականի պաշտպան Արտյոմ Խաչատուրովը պատմել է թիմի խնդիրների մասին։
«Ես նորեկ եմ եւ հարմարվեցի նոր կոլեկտիվին շատ կարճ ժամանակում։ Բոլոր տղաներն ինձ ջերմ ընդունեցին։ Շատերին արդեն ճանաչում էի։ Ամեն ինչ հարթ անցավ։ «Զիմբրուի» խնդիրն է հաղթանակ տանել ամեն խաղում։ Շատ եմ ցանկանում, որ երկրորդ շրջանում մեր թիմը ցույց տա լավ եւ բարձր որակի ֆուտբոլ։ Ես ցանկանում եմ օգուտ տալ թիմին»,- Խաչատուրովի խոսքը մեջբերում է moldfootball-ը։
Լրագրողը նաեւ անդրադարձել է Հայաստանի հավաքականում Արտյոմ Խաչատուրովի կարիերային՝ հարցնելով, թե սխալ չի համարում ազգային թիմի ընտրությունը։ 22-ամյա ֆուտբոլիստը դեռ չի խաղացել Հայաստանի հավաքականում։
«Ես չեմ ափսոսում, որ ընտրել եմ Հայաստանի հավաքականը»,- նշել է Խաչատուրովը, որը Հայաստանի թիմին միացել էր Լյուքսեմբուրգի հետ ընկերական խաղում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։