Լոնդոնի «Չելսիի» գլխավոր մարզիչ Ժոզե Մոուրինյոն մեկնաբանել է «Վեստ Հեմի» նկատմամբ հաղթանակը Պրեմյեր լիգայյի 28-րդ տուրի խաղում, որում միակ գոլի հեղինակ էր դարձել բելգիացի Էդեն Ազարը:
«Ոչ ոք չէր կարող խաղալ ավելի լավ, քան իմ թիմն՝ այսօր: Դա վերաբերում է ոչ միայն ֆուտբոլ խաղին, այլեւ՝ ճնշմանը, լարվածությանն ու էմոցիաներին: Չէինք կարող սպանել խաղը եւ այդ 3 միավորները շատ կարեւոր են մեզ համար: Ազարն այսօր հիանալի էր, նա մրցակցին պատժեց սխալի համար: «Վեստ Հեմը» փորձում էր կանգնեցնել Էդենին, բայց նա գոլ խփեց եւ նաեւ օգնում էր պաշտպանվելիս»,- Մոուրինյոյի խոսքը մեջբերում է Daily Mail-ը:
Հիշեցնենք, որ առաջնության ավարտից 10 տուր առաջ «Չելսին» 5 միավոր գերազանցում է երկրորդ տեղում գտնվող «Մանչեսթեր Սիթիին» եւ մեկ խաղ էլ պակաս է անցկացրել:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։