Հայաստանի հավաքականը դարձյալ պարտվեց Մոսկվայում
15:10 4 մարտի, 2015Մոսկվայում հավաք անցկացնող ֆուտզալի Հայաստանի ազգային հավաքականը մարտի 4-ին ընկերական խաղում 1:2 հաշվով պարտվել է Ռուսաստանի ուժեղագույնների լիգան ներկայացնող «Պրոգրես» թիմին: Հայաստանի թիմի միակ գոլը խփել է մեծ ֆուտբոլից ֆուտզալ վերադարձած Գարեգին Մաշումյանը, փոխանցում է ՀՖՖ-ն:
Մարտի 6-ին Հայաստանի հավաքականը կանցկացնի եւս մեկ ընկերական հանդիպում՝ մրցելով «Յամալ» թիմի հետ: Օրեր առաջ հայկական թիմը 2:3 հաշվով պարտվել էր ռուսական «Միտիշչիին»:
Հիշեցնենք, որ մարտի 18-ից 21-ը Խորվաթիայում տեղի կունենա ֆուտզալի Եվրոպայի 2016թ. առաջնության ընտրական փուլի վերջին մրցաշարը, որտեղ Հայաստանի հավաքականի մրցակիցները կլինեն Խորվաթիան, Սլովակիան ու Թուրքիան:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։