Հայաստանի հավաքականի եւ Մոսկվայի «Դինամոյի» դարպասապահ Ռոման Բերեզովսկին խոսել է իտալական «Նապոլիի» դեմ Եվրոպայի լիգայի 1/8 եզրափակիչի դիմակայության եւ իր մարզավիճակի մասին:
«Եվրոպայի լիգայի վիաճակահանությունից հետո առաջին հերթին մտածեցի «Նապոլիի» դեմ խաղում մթնոլորտի մասին: Նեապոլն իսկական ֆուտբոլային քաղաք է, որտեղ ապրում են այդ խաղով: Հայաստանի հավաքականի կազմում խաղացել եմ «Սան Պաուլուում»: Այնտեղ ֆուտբոլի շունչը զգացվում է դեռ ստադիոնի ճանապարհին: «Նապոլին» ուժեղ թիմ է, որն ունի լավ ֆուտբոլիստներ: Այստեղ կարեւոր գործոն է թիմի աջակցությունը. երկրպագուները 12-րդ խաղացողն են: Տանը «Նապոլին» շատ լավ է հանդես գալիս:
Ինչ վերաբերում է «Դինամոյում» դարպասապահների մրցակցությանը, ապա կասեմ, որ ամեն պահի պատրաստ եմ օգտակար լինել թիմին: Փառք Աստծո, առողջական խնդիրներ չունեմ: Կարծում եմ՝ այժմ լավ մարզավիճակում եմ: Մարտի վերջնամասում կարեւորագույն խաղ ունենք Ալբանիայի հավաքականի հետ: Հուսով եմ՝ այդ հանդիպմանը կմոտենամ օպտիմալ մարզավիճակում»,- 40-ամյա դարպասապահի խոսքը մեջբերում է «Известия»-ն:
Հիշեցնենք, որ Հայաստանի հավաքականն այս տարվա առաջին խաղն անցկացնելու է մարտի 29-ին՝ Եվրո-2016-ի ընտրական փուլում հյուրընկալվելով Ալբանիային:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։