Յուրա Մովսիսյան. Շատ կարեւոր գոլեր էին ինձ համար

Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանը դանիական «Ակադեմիսկի» հետ Անթալիայում անցկացված ստուգողական խաղի առաջին խաղակեսում դուբլի հեղինակ դառնալուց հետո կիսվել է տպավորություններով:

«Ինձ համար շատ կարեւոր էր գոլեր խփել առաջնության վերսկսումից առաջ: Թիմին անհրաժեշտ էր հաղթանակ տանել պաշտոնական խաղերի նախաշեմին: Հավաքի ընթացքում ամեն բան անցավ ծրագրվածի պես: Այժմ մենք պատրաստ ենք առաջնության խաղերին»,- Մովսիսյանի խոսքը մեջբերում է «Р-Спорт»-ը:

Հիշեցնենք, որ այդ խաղով «Սպարտակն» ավարտեց թուրքական հավաքը, իսկ մարտի 8-ին Մոսկվայում Ռուսաստանի առաջնության 18-րդ տուրի հանդիպում կանցկացնի «Կրասնոդարի» հետ։