Գվարդիոլա. Հույս ունեմ երկար մնալ «Բավարիայում»
20:11 3 մարտի, 2015Մտադիր չեմ ժամանակից շուտ հեռանալ «Բավարիայից», հայտարարել է մյունխենյան ակումբի իսպանացի գլխավոր մարզիչ Խոսեպ Գվարդիոլան։ Նա հերքել է լուրերը, թե առաջարկ ունի անգլիական «Մանչեսթեր Սիթիից», որը գոհ չէ Մանուել Պելեգրինիի աշխատանքից։
«Ես հույս ունեմ երկար մնալ «Բավարիայում»։ Պայմանագիր ունեմ հրաշալի ակումբի հետ եւ մինչեւ դրա ավարտը կլինեմ այստեղ։ Ես այլ ակումբներից առաջարկներ չեմ ստացել։ Տեսնենք, թե ինչ կլինի հաջորդ տարի։ «Բավարիայում» երջանիկ եմ»,- Գվարդիոլայի խոսքը մեջբերում է Goal.com-ը։
Գվարդիոլայի պայմանագիրը գերմանական ակումբի հետ նախատեսված է մինչեւ 2016 թվականը։ Մասնագետը դեռ չի ցանկանում բանակցել այն երկարաձգելու վերաբերյալ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։