«Սպարտակը» հաղթեց Յուրա Մովսիսյանի դուբլի շնորհիվ (ֆոտոշարք)

Հայաստանի հավաքականի հարձակվող Յուրա Մովսիսյանի դուբլի շնորհիվ Մոսկվայի «Սպարտակը» հաղթեց Անթալիայում անցկացված ստուգողական խաղում՝ 3։1։ Ռուսական ակումբը մրցեց դանիական «Ակադեմիսկի» հետ։ Յուրա Մովսիսյանն աչքի է ընկել արդեն 14-րդ րոպեին։ Անանիձեի հարվածից հետո դանիացիների դարպասապահը հետ է մղել գնդակը, սակայն Մովսիսյանն արդյունավետ է ավարտել գրոհը։

36-րդ րոպեին հայ հարձակվողը տուգանային հրապարակում օգտվել է մրցակցի պաշտպանների սխալից եւ ձեւակերպել է դուբլ։ Ընդմիջմանը Յուրա Մովսիսյանը փոխարինվել է։

Երկրորդ խաղակեսում Կոպենհագենի թիմը կարողացել է կրճատել հաշվի տարբերությունը։ 72-րդ րոպեին Պրոմեսը խփել է «Սպարտակի» երրորդ գնդակը։

Ռուսաստանի առաջնության գարնանային հատվածից առաջ «Սպարտակն» անցկացրեց վերջին ստուգողական հանդիպումը։

Մարտի 8-ին կայանալիք Ռուսաստանի առաջնության 18-րդ տուրի խաղում «Սպարտակը» կընդունի «Կրասնոդարին»։

Ստուգողական հանդիպում

«Սպարտակ» - «Ակադեմիսկ»՝ 3։1

Մովսիսյան, 14, 35, Պրոմես, 72 – Հանսեն, 52