Հայ ֆուտբոլիստը մինչեւ մրցաշրջանի ավարտը կխաղա «Սերվետում»
19:07 3 մարտի, 2015Բելգիահայ կիսապաշտպան Հրաչ Յագանը Թուրքիայում փորձաշրջան անցնելուց հետո պայմանագիր է կնքել Շվեյցարիայի 17-ակի չեմպիոն «Սերվետի» հետ։ Նա թիմում կխաղա մինչեւ մրցաշրջանի ավարտը։ «Սերվետը» պայքարում է Շվեյցարիայի Սուպերլիգա վերադառնալու համար։
«Շնորհակալ եմ մարզչական շտաբին վստահության համար։ Կձգտեմ արդարացնել վստահությունը եւ օգնել թիմին նվաճել Սուպերլիգայի ուղեգիր»,- Յագանի խոսքը մեջբերում է «Սերվետի» կայքը։ Ակումբն այժմ գլխավորում է Շվեյցարիայի Առաջին լիգայի մրցաշարային աղյուսակը։
Հրաչ Յագանը Հայաստանի երիտասարդական հավաքականի նախկին ֆուտբոլիստ է։ Նա խաղացել է բելգիական «Ստանդարդում» եւ Կապանի «Գանձասարում»: 2014-ին Յագանը հանդես էր գալիս շվեյցարական Առաջին լիգայի «Մերեն» թիմում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։