«Բարսելոնայի» նախկին մարզիչ. Դել Բոսկեն ու Դի Մարիան շատ տգեղ էին «Ռեալի» նախագծի համար
01:06 3 մարտի, 2015«Ռեալի» նախագահ Ֆլորենտինո Պերեսն արգենտինացի կիսապաշտպան Անխել Դի Մարիային անցած ամռանն անսպասելիորեն վաճառեց մադրիդյան նախագծի առեւտրային գրավչության համար, ասել է «Բարսելոնայի» նախկին գլխավոր մարզիչ Կարլես Ռեկսաչը: Մասնագետը կարծում է, որ նույն պատճառով ժամանակին Պերեսը «Ռեալի» գլխավոր մարզիչի պաշտոնից հեռացրեց Վիսենտե Դել Բոսկեին, հաղորդում է skysports-ը:
«Ֆլորենտինո Պերեսն աշխատում է համաշխարհային շուկայի համար եւ երազում է հերթական Գալակտիկոսի մասին: Ռոնալդուն ցուցանակ է ակումբի համար, Պերեսը վաճառում է համաշխարհային բրենդ: Վիսենտե Դել Բոսկեն ու Անխել Դի Մարիան այդ իմաստով շատ տգեղ են «Ռեալի» համար: Նրանք Տոնի Կրոսի եւ Խամես Ռոդրիգեսի նման դեմք չունենք»,- ասել է Կարլես Ռեկսաչը:
Հիշեցնենք, որ անցած ամռանը Դի Մարիան 60 միլիոն ֆունտով տեղափոխվեց «Մանչեսթեր Յունայթեդ»: Թեեւ այդ տրանսֆերը չէին ցանկանում ոչ Դի Մարիան, ոչ էլ թիմի գլխավոր մարզիչ Կարլո Անչելոտին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։