Հեղինակավոր գերմանական պարբերականները գնահատել են Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանի գործողությունները «Շալկեի» դեմ Գերմանիայի առաջնության 23-րդ տուրի խաղում։
Kicker-ը Մխթարյանի խաղը գնահատել է 2-ով։ Նույն գնահատականն են ստացել նաեւ Օլիվեր Կիրխը, Մատս Հումելսը, Նուրի Շահինը եւ Իլկայ Գյունդոգանը։ «Բորուսիայի» կազմում լավագույնն է ճանաչվել Մարկո Ռոյսը՝ 1.5։
Bild-ը եւս Մխիթարյանի խաղին տվել է 2 գնահատականը։ Նույնը ստացել են նաեւ Օլիվեր Կիրխը, Նեւեն Սուբոտիչը, Մատս Հումելսը, Մարսել Շմելցերը եւ Նուրի Շահինը։ Առավելագույն գնահատականի (1) արժանացել են Իլկայ Գյունդոգանը, Մարկո Ռոյսը եւ Պյեր-Էմերիկ Օբամեյանգը։
Հիշեցնենք, որ «Բորուսիան» հաղթել է 3։0 հաշվով։ Հենրիխ Մխիթարյանը խաղացել է առանց փոխարինման, դարձել է գոլի եւ գոլային փոխանցման հեղինակ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։