Բեթմենն ու Ռոբին՝ Հենրիխ Մխիթարյանի գոլային փոխանցումից հետո (ֆոտո)

Դորտմունդի «Բորուսիայի» ֆուտբոլիստներ Պյեր-Էմերիկ Օբամեյանգն ու Մարկո Ռոյսը գոլի յուրահատուկ տոնում ցուցադրեցին Գելզենկիրխենի «Շալկեի» դեմ գերմանական Բունդեսլիգայի 23-րդ տուրի հաղթական խաղում:

Օբամեյանգի գոլից հետո Գաբոնի հավաքականի հարձակվողը «վերածվեց» Բեթմենի, իսկ գերմանացի կիսապաշտպան Ռոյսը դարձավ նույն ֆիլմի հերոսներից Ռոբին:

Հիշեցնենք, որ «Բորուսիա» 3:0 հաշվով վստահ հաղթանակ տարավ Գերմանիայում իր ամենասկզբունքային մրցակցի նկատմամբ, իսկ Հենրիխ Մխիթարյանը Օբամեյանգին գոլային փոխանցում կատարելուց մեկ րոպե անց նաեւ դարձավ գոլի հեղինակ: Դա Հայաստանի հավաքականի կիսապաշտպանի առաջին գոլն էր Գերմանիայի այս առաջնությունում: