Զիդան. Պոգբան առանձնահատուկ խաղացող է եւ պետք է «Ռեալին»
13:19 28 փետրվարի, 2015Մադրիդի «Ռեալի» երիտասարդական թիմի գլխավոր մարզիչ Զինեդին Զիդանն ակումբի ղեկավարությանը հորդորել է գնել Թուրինի «Յուվենտուսի» եւ Ֆրանսիայի հավաքականի կիսապաշտպան Պոլ Պոգբային, հաղորդում է AS-ը:
«Պոգբան առանձնահատուկ ֆուտբոլիստ է եւ պետք է «Ռեալին»,- ասել է Զիդանը:
Արքայական ակումբի ղեկավարությունը կասկածներ ունի, որ երիտասարդ ֆրանսիացին զուրկ է առաջատարի որակներից եւ դժվարությամբ կարող է հարմարվել իսպանական ֆուտբոլին: Բացի այդ, «Ռեալի» ներկայացուցիչներին համակրելի չէ ֆուտբոլիստի գործակալ Մինո Ռայոլան ու նրա աշխատաոճը՝ մամուլում թեման մշտապես սրելու միջոցներով: Ռայոլան բազմիցս հայտարարել է, որ ֆուտբոլիստը «Ռեալ» կտեղափոխվի միայն 100 միլիոն եվրոյի առաջարկի դեպքում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։