2 հայ բռնցքամարտիկներ նվաճեցին կիսաեզրափակչի ուղեգիր
11:52 27 փետրվարի, 2015Բուլղարիայի մայրաքաղաք Սոֆիայում ընթացող բռնցքամարտի Ստրանջայի 66-րդ միջազգային մրցաշարում հայտնի են կիսաեզրափակիչի մասնակիցները: Հայաստանի պատվիրակներից կիսաեզրափակիչի ուղեգիր են նվաճել երկու բռնցքամարտիկներ՝ 49 կգ քաշային Արթուր Հովհաննիսյանը եւ 60 կգ քաշային Սամվել Բարսեղյանը: Հովհաննիսյանը մրցավարների միաձայն որոշմամբ հաղթել է Մեծ Բրիտանիան ներկայացնող Ժոզեպ Մապոշ Ձիկամանիին, իսկ Սամվել Բարսեղյանը առավելության է հասել Չեխիան ներկայացնող հայ Էրիկ Ագատելյանի նկատմամբ:
Բարսեղյանն ու Հովհաննիսյանը կիսաեզրափակիչի ուղեգրերից բացի ապահովել են նաեւ առնվազն բրոնզե մեդալ: 52 կգ քաշային Կորյուն Սողոմոնյանը , 56 կգ քաշային Հենրիկ Մոքոյանը ,69 կգ քաշային Վլադիմիր Մարգարյանը, 75 կգ քաշային Արման Հովհիկյանը եւ 91 կգ քաշային Հենրիկ Սարգսյանը չեն կարողացել հաղթահարել քառորդ եզրափակիչի արգելքը, հայտնում եմ Բռնցքամարտի ֆեդերացիայից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։