Լոնդոնի «Չելսին» անվադողեր արտադրող ճապոնական Yokohama Rubber ընկերության հետ կնքել է 5 տարվա հովանավորչական պայմանագիր, հայտնում է ակումբի կայքը:
Անգլիական ակումբը ճապոնական ընկերությունից տարեկան կստանա 40 միլիոն ֆունտ: Այժմ «Չելսին» Samsung ընկերությունից տարեկան ստանում է 18 միլիոն ֆունտ: Գործարքը երկրորդ ամենաթանկն է Պրեմյեր լիգայում: Միայն «Մանչեսթեր Յունայթեդն» է հովանավորչական պայմանագրից ստանում ավելի մեծ գումար: Chevrolet ընկերությունը տարեկան մանչեսթերյան ակումբին վճարում է 53 միլիոն ֆունտ ստերլինգ:
Ավելի վաղ լուրեր էին շրջանառվում, որ «Չելսին» մոտ է Turkish Airlines-ի հետ պայմանագիր կնքելուն, սակայն գործարքը չի կայացել:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։