Ֆորմուլա-1-ի յոթակի չեմպիոն Միխայել Շումախերի կին Կորինան երեք միլիոն դոլարով վաճառել է նորվեգական Տրյուսիլեում գտնվող առանձնատունը, տեղեկացնում է Sport1.de-ն:
645 քառոկուսի մետր տարածք ունեցող առանձնատան նոր սեփականատիրոջ անունն առայժմ հայտնի չէ: Ավելի վաղ վաճառքի էին հանվել նաեւ Շումախերի Ferrari F-2000-ը եւ անձնական Falcon 2000EX ինքնաթիռը:
Այդպես Շումախերի կինը փորձում է միջոցներ հավաքել ամուսնու բուժումը շարունակելու համար: Շումախերի բուժման համար արդեն ծախսվել է մոտ 10 միլիոն ֆունտ ստերլինգ: Այժմ ավտոարշավորդը անկողնային վիճակում է եւ ստանում է համապատասխան բուժում: Նա սկսել է ճանաչել ծնողներին, սակայն դեռ չի վերականգնվել խոսելու ունակությունը:
Հիշեցնենք, որ 2013-ին ֆրանսիական Ալպերում լեռնադահուկով սահելիս ընկնելու հետեւանքով Շումախերը ստացել էր գլխի ծանր վնասվածք եւ հայտնվել էր կոմայի մեջ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։