Դորտմունդի «Բորուսիան» նահանջեց վերջին տեղ

Գերմանիայի փոխչեմպիոն Դորտմունդի «Բորուսիան» Բունդեսլիգայի առաջնության 18-րդ տուրում հյուրընկալվեց Լեւերկուզենի «Բայերին» եւ բավարարվեց 1 միավորով: Գրանցվեց ոչ ոքի, առանց գոլերի:

Վնասվածքից հետո ապաքինված Հայաստանի հավաքականի եւ «Բորուսիայի» կիսապաշտպան Հենրիխ Մխիթարյանը խաղադաշտ դուրս եկավ 62-րդ րոպեին՝ փոխարինելով Կեւին Գրոսկրոյցին:

«Բորուսիան» 16 միավորով հայտնվեց վերջին տեղում: «Բայերը» 29 միավորով 5-րդն է:

Գերմանիայի առաջնություն, 18-րդ տուր

«Բայեր» - «Բորուսիա Դ.»՝ 0:0 

«Բորուսիա». Վայդենֆելեր, Պիշչեկ (Սուբոտիչ, 46), Հումելս, Սոկրատիս, Շմելցեր, Շահին, Գինտեր, Կամպլ, Գրոսկրոյց (Մխիթարյան, 62), Ռոյս, Իմոբիլե (Ռամոս, 81):