Իբրահիմովիչը կարող է որակազրկվել մեկ կամ երկու խաղով
13:33 31 հունվարի, 2015ՊՍԺ-ի հարձակվող Զլատան Իբրահիմովիչը «Սենտ Էթյենի» ֆուտբոլիստ Ռոմեն Ամումի դեմ կոպտության համար կարող է որակազրկվել մեկ կամ երկու խաղով: Շվեդ ֆուտբոլիստը հրավիրվել է Ֆրանիայի ֆուտբոլային լիգայի կարգապահական կոմիտեի նիստին: Իբրահիմովիչը հարվածել էր Ամումի ոտքին, իսկ մրցավարը նրան պատժել էր դեղին քարտով: Սակայն կարգապահական կոմիտեն կարծում է, որ Իբրահիմովիչն արժանի է ավելի խիստ պատժի:
«Միայն «Ռենի» խաղից հետո տեղեկացա կարգապահական կոմիտե հրավիրվելու մասին: Բայց հանդիպման ընթացքում արդեն պատժվել էի: Զարմանալի է: Ֆրանսիա տեղափոխվելուց հետո հաճախ եմ զարմանում տարբեր երեւույթներից»,- Իբրահիմովիչի խոսքը փոխանցում է Le Figaro-ն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։