Ֆրանչեսկո Տոտին 5 ձայն է ստացել Իտալիայի նախագահի ընտրություններում
00:40 31 հունվարի, 2015Իտալիայի նախագահի ընտրություններում «Ռոմայի» ավագ Ֆրանչեսկո Տոտին ստացել է հինգ ձայն, հաղորդում է sportmediaset-ը: Իտալիայիում նախագահին ընտրում են խորհրդարանի երկու պալատներն ու 20 մարզերի ներկայացուցիչները: Առաջին փուլում 1009 մասնակիցների ճնշող մեծամասնությունը ներկայացրել է չլրացրած քվեաթերթիկեր, քանի որ ընտրվելու համար անհրաժեշտ է հավաքել ձայների 2/3-րդը, իսկ քաղաքական ուժերից որեւէ մեկը չունի այդքան աջակցություն, միացյալ կամ կոալիցիոն թեկնածու էլ չկա:
Հինգ պատգամավորներ նշել են 38-ամյա Ֆրանչեսկո Տոտիի անունը: Սակայն Իտալիայի նախագահ դառնալու համար անհրաժեշտ է լինել 50 տարեկանից ավագ: Այդ պատճառով էլ Պատգամավորների պալատի ղեկավար Լաուրա Բոլդրինին անվավեր է համարել այդ քվեաթերթիկները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։