Մադրիդի «Ռեալի» իտալացի գլխավոր մարզիչ Կարլո Անչելոտին նշել է, որ «Կորդոբայի» դեմ խաղում պորտուգալացի հարձակվող Կրիշտիանու Ռոնալդուն սխալ էր թույլ տվել, բայց ներողություն է խնդրել եւ այլեւս դա չի կրկնվի:
«Որակազրկումը իհարկե վատ է: Նա երկու խաղ բաց կթողնի եւ այդ ընթացքում կպատրաստվի դերբիին:
Ոչ մի առողջական խնդիր Կրիշտիանուն չունի, ծնկի հետ կապված նույնպես ոչ մի խնդիր չկա:
Առաջինը հենց Ռոնալդուն է ներողություն խնդրել իր վարքի համար: Նա սխալ է թույլ տվել եւ հասկանում է դա: Այդպիսի բան այլեւս չի կրկնվի»,- Անչելոտիի խոսքն է մեջբերում AS-ը:
Հիշեցնենք, որ «Կորդոբայի» հետ Իսպանիայի առաջնության խաղում («Ռեալը» հաղթել է 2:1 հաշվով) Ռոնալդուն ստացավ կարմիր քարտ՝ 82-րդ րոպեին մրցակցին ոտքով հարվածելու համար: Խաղից հետո պորտուգալացին ներողություն էր խնդրել: Որակազրկման պատճառով Ռոնալդուն բաց կթողնի հունվարի 31-ին կայանալիք «Ռեալ Սոսյեդադի» հետ հանդիպումը եւ փետրվարի 4-ի խաղը՝ «Սեւլիայի» դեմ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։