Հայաստանի ֆուտբոլի ֆեդերացիան դրամական մրցանակներով պարգեւատրել է ֆուտզալի Հայաստանի հավաքականի մարզչական շտաբին եւ ֆուտբոլիստներին, հաղորդում է ՀՖՖ կայքը: Հիշեցնենք, որ 2016թ. Եվրոպայի առաջնություն որակավորման փուլում ֆուտզալի Հայաստանի հավաքականը, տանելով երկու հաղթանակ եւ ավարտելով մեկ հանդիպում ոչ-ոքի, գրավեց առաջին տեղը եւ իրավունք ստացավ հանդես գալ մրցաշարի հաջորդ փուլում:
Թիմի հետ հանդիպման ընթացքում ՀՖՖ առաջին փոխնախագահ եւ գործադիր տնօրեն Արմեն Մինասյանը եւ ՀՖՖ ֆուտզալի ու կանանց ֆուտբոլի կոմիտեի նախագահ Սուքիաս Ավետիսյանը շնորհավորել են թիմին հաջողության կապակցությամբ՝ հույս հայտնելով, որ Խորվաթիայում կայանալիք Եվրոպայի առաջնության ընտրական հիմնական փուլի հանդիպումները նույնպես հաջողություն կբերեն հավաքականին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։