«Բարսելոնան» կդադարեցնի համագործակցությունը Qatar Airways-ի հետ
15:32 29 հունվարի, 2015Քաթարում առկա քաղաքական եւ սոցիալական խնդիրների պատճառով «Բարսելոնան» չի երկարաձգի հովանավորչական պայմանագիրը Qatar Airways ավիափոխադրողի հետ: Այդ մասին հայտարարել է կատալոնական ակումբի նախագահ Խոսեպ Բարտոմեուն:
«Մենք հետեւում ենք Քաթարում տեղի ունեցող փոփոխություններին: Այժմ այդ երկրում առկա են քաղաքական եւ սոցիալական խնդիրներ, որոնք չկային 2011 թվականին, երբ կնքվել է պայմանագիրը»,- Բարտոմեուի խոսքը փոխանցում է RAC1-ը:
«Բարսելոնայի» հեղինակությանը կարող է վնասել Քաթարի աշխատանքային օրենսդրության, ներգաղթյալ աշխատուժի իրավունքների, աշխատանքի անվտանգության կանոնների հետ կապված խնդիրները: Քաթարը պատրաստվում է 2022թ. աշխարհի առաջնությանը: 2011-2016թթ. պայմանագրով «Բարսելոնան» Քաթարից կստանա 150 միլիոն եվրո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։