Նորագավիթի սուսերամարտի մանկապատանեկան մարզադպրոցում տեղի է ունեցել Հայաստանի երիտասարդական առաջնությունը: Խոցասուսերակիր տղաների պայքարում մրցանակային տեղերը զբաղեցրին «Հայաստան» մարզական միության Նորագավիթի սուսերամարտի մանկապատանեկան մարզադպրոցը ներկայացնող մարզիկները: Առաջին տեղը զբաղեցրեց միջազգային մրցաշարի հաղթող Էդվարդ Հովիկյանը, երկրորդ տեղ տեղը՝ Արթուր Քոչարյանը եւ երրորդ տեղերը կիսեցին Ավետիս Ծերունյանը եւ Արսեն Արազյանը:
Խոցասուսերակիր աղջիկների պայքարում ուժեղագույնը Նորագավիթի «Հայաստան» մարզական միության սուսերամարտի մանկապատանեկան մարզադպրոցը ներկայացնող Լիլիթ Էվոյանն էր, երկրորդ տեղը զբաղեցրեց «Քեթրին» ակումբի ներկայացուցիչ Էմմա Պողոսովան: Երրորդ տեղերը կիսեցին «Քեթրին» ակումբը ներկայացնող Սվետլանա Նազարյանը եւ Արաբկիրի Ալբերտ Գրիգորյանի անվան սուսերամարտի մանկապատանեկան մարզադպրոցը ներկայացնող Յանա Յեղոյանցը, հաղորդում են Հայաստանի սուսերամարտի ֆեդերացիայից:
Մրցումների արդյունքներով կձեւավորվեն հավաքական թիմերը, որոնք կմասնակցեն փետրվարին Սլովենիայի Մարիբոր քաղաքում կայանալիք Եվրոպայի պատանեկան եւ երիտասարդական առաջնություններին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։