Հենրիխ Մխիթարյանը՝ առաջին խաղաշրջանի հիասթափեցրած ֆուտբոլիստների խորհրդանշական հավաքականում
13:46 28 հունվարի, 2015Eurosport-ը կազմել է Գերմանիայի առաջնության առաջին խաղաշրջանում հիասթափեցրած ֆուտբոլիստների խորհրդանշական հավաքականը, որտեղ հայտնվել է նաեւ Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանը:
«Միանշանակ չէ, որ հայ կիսապաշտպանը մեծ նշանակություն է ունեցել «Բորուսիայի» անհաջող ելույթներում: Առաջին խաղաշրջանում Մխիթարյանը դարձել է ընդամենը մեկ գոլի եւ մեկ արդյունավետ փոխանցման հեղինակ: 26-ամյա խաղացողի անհաջող խաղն անդրադարձավ նաեւ Պյեր-Էմերիկ Օբամեյանգի եւ Չիրո Իմոբիլեի ելույթների վրա: Կեւին Կամպլի տրանսֆերից հետո Մխիթարյանն ունեցավ եւս մեկ մրցակից»,- գրել է կայքը:
Հիշեցնենք, որ Մխիթարյանն ապաքինվել է վնասվածքից հետո եւ հունվարի 24-ին մասնակցել Դյուսելդորֆի «Ֆորտունայի» հետ ընկերական խաղին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։