Քուվեյթում ընթացող հրաձգության չորրորդ միջազգային գրան պրի մրցաշարում Հայաստանից մասնակցում են Մարիամ Միքայելյանը, Զավեն Իգիթյանն ու Նորայր Առաքելյանը: Թիմը ներկայացնում է Հայաստանի հրաձգության ֆեդերացիայի գլխավոր քարտուղար Արեգ Սարիբեկյանը:
Հունվարի 27-ին Մարիամ Միքայելյանը մասնակցել է 10 մ, 40 կրակոց, երիտասարդ աղջիկների մրցմանը: Մասնակցել է 11 երկրի 16 մարզուհի: Մարիամ Միքայելյանը խոցել է 408,7 միավոր եւ գրավել երրորդ տեղը, նա 0.2-ով զիջել է երկրորդ տեղը գրաված Բոսնիա եւ Հերցեգովինայի ներկայացուցիչ Տատյանա Դեկանովիչին, ով խոցել է 408,9 միավոր: Առաջին տեղը գրավել է 411,5 մրավոր խոցած ուզբեկ Մարգարիտա Օռլովան: Մարիամ Միքայելյանի անձնական մարզիչն է Անդրանիկ Այվազյանը, հաղորդում են Հայաստանի հրաձգության ֆեդերացիայից:
Հայաստանի ներկայացուցիչներ Նորայր Առաքելյանն ու Զավեն Իգիթյանը հանդես կգան հունվարի 29-ին օդամղիչ ատրճանակ մրցաձեւում:
Հունվարի 28-31-ը Հայաստանի հավաքական թիմի երկրոդական կազմը` մարզիկներ Սուսաննա Հովհաննիսյանը, Լիա Սահակյանը, Հայկ Բաբայանը, Վրեժ Թորոսյանը եւ Էլմիրա Կարապետյանը կմասնակցեն Մյունխենի միջազգային մրցաշարի` Հայաստանի հավաքականի գլխավոր մարզիչ Սեյրան Նիկողոսյանի եւ հավաքականի երկրորդ մարզիչ Անդրանիկ Այվազյանի ղեկավարությամբ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։