ՖԻՖԱ-ն հետաքննություն կանցկացնի «Աթլետիկոյում»
12:51 27 հունվարի, 2015ՖԻՖԱ-ն շարունակում է հետաքննություն անցկացնել իսպանական ակումբներում անչափահաս ֆուտբոլիստների հետ պայմանագիր կնքելու հարցով: Այժմ կազմակերպությունը մտադիր է հետաքննություն անցկացնել Մադրիդի «Աթլետիկոյում», տեղեկացնում է AS-ը:
Նման հետաքննության արդյունքում ՖԻՖԱ-ն պատժել էր կատալոնական «Բարսելոնային» եւ ակումբին զրկել երկու տրանսֆերային պատուհանների ընթացքում նոր ֆուտբոլիստներ ձեռք բերելու հնարավորությունից: ՖԻՖԱ-ն ստուգումներ էր կատարել նաեւ «Ռեալում» եւ մադրիդյան ակումբին տվել մեկ ամիս ժամանակ պատանի ֆուտբոլիստների հետ պայմանագիր չկնքելու փաստն ապացուցելու համար:
Սպասվում է, որ կազմակերպությունն առաջիկայում ստուգումներ կանցկացնի նաեւ «Սեւիլիայում», «Վալենսիայում», «Մալագայում», «Ռայո Վալյեկանոյում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։