Ռիկելմե. Ռոնալդուն ու Մեսին մրցում են գոլերի քանակի համար, լավագույնը Մարադոնան է
17:52 26 հունվարի, 2015Պատմության լավագույն ֆուտբոլիստը 1986թ. աշխարհի չեմպիոն, Արգենտինայի հավաքականի նախկին ավագ Դիեգո Մարադոնան է, հայտարարել է Արգենտինայի հավաքականի նախկին կիսապաշտպան Խուան Ռոման Ռիկելմեն:
«Մարադոնան է բոլոր ժամանակների լավագույն ֆուտբոլիստը: Իմ բախտը բերել է, որ ես խաղացել եմ նրա հետ «Բոկա Խունիորսում» եւ հետեւել եմ նրա մարզումներին: Դա անհավանական էր: Իսկ Մեսին ու Ռոնալդուն մրցում են գոլերի քանակի համար: Բայց Լեոն խաղադաշտում անում է այն, ինչն ինքն էլ հետո չի հասկանում, թե ինչպես ստացվեց»,- Ռիկելմեի խոսքը մեջբերում է Sport.es-ը:
Ռիկելմեն հայտարարել է ֆուտբոլիստի կարիերան ավարտելու մասին: Նա հանդես է եկել «Բոկա Խունիորսում», «Արխենտինոս Խունիորսում», «Վիլյառեալում», «Բարսելոնայում»: Արգենտինայի հավաքականի կազմում դարձել է 2008թ. օլիմպիական չեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։