«Ռոման» բաց է թողնում «Յուվենտուսին»

«Ֆիորենտինա» - «Ռոմա» խաղով ավարտվեց իտալական A Սերիայի 20-րդ տուրի երկրորդ խաղային օրը: Ֆլորենցիայում գրանցվեց 1:1 հաշիվը: 

Գերմանացի հարձակվող Մարիո Գոմեսի գոլի շնորհիվ դաշտի տերերն առաջին խաղակեսում առաջ անցան հաշվի մեջ, սակայն ընդմիջումից հետո «Ֆիորենտինայի» նախկին կիսապաշտպան Ադեմ Լյայիչը «Ռոմային» փրկեց պարտությունից:

Երկրորդ տեղում գտնվող «Ռոման» արդեն 7 միավոր է հետ մնում առաջատար Թուրինի «Յուվենտուսից», իսկ «Ֆիորենտինան» 6-րդն է:

Իտալիայի առաջնություն, 20-րդ տուր

«Ֆիորենտինա» - «Ռոմա»՝ 1:1

Մարիո Գոմես, 19 – Ադեմ Լյայիչ, 47