Վեյկ Ան Զեե. Սամվել Սեւյանը բաժանեց 5-6-րդ տեղերը
20:40 25 հունվարի, 2015ԱՄՆ-ն ներկայացնող 14-ամյա գրոսմայստեր Սամվել Սեւյանը Հոլանդիայի Վեյկ Ան Զեե քաղաքում ավարտված Tata Steel Chess շախմատային փառատոնի B մրցաշարում բաժանեց 5-6-րդ տեղերը: Հայ շախմատիստը վերջին տուրում սպիտակներով հաղթեց հոլանդացի 63-ամյա գրոսմայստեր Յան Տիմանին եւ 13 հնարավորից վաստակեց 7.5 միավոր: Սեւյանն առաջին անգամ էր խաղում Վեյկ Ան Զեեում:
B մրցաշարի հաղթողի տիտղոսը նվաճեց չինացի Վեն Յին, ով հավաքեց 10.5 միավոր: Նրան կես միավոր զիջեց երկրորդ տեղը գրաված Դավիդ Նավարան:
Հիշեցնենք, որ Վեյկ Ան Զեեի գլխավոր մրցաշարում հաղթել էր աշխարհի չեմպիոն Մագնուս Կարլեսնը, իսկ Հայաստանի հավաքականի առաջատար Լեւոն Արոնյանը 5.5 միավորով գրավել էր 10-րդ տեղը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։