Լեւոն Արոնյանը պարտությամբ ավարտեց Հոլանդիայի Վեյկ Ան Զեե քաղաքում անցկացվող Tata Steel Chess շախմատային սուպերմրցաշարը:
Վերջին՝ 13-րդ տուրում Հայաստանի ուժեղագույն գրոսմայստերը սպիտակներով 55-րդ քայլում պարտվեց չինացի Դին Լիրենին: Լեւոն Արոնյանը մրցաշարն ավարտեց 5.5 միավորով եւ լեհ Ռադոսլավ Վոյտաշեկի հետ բաժանեց 9-10-րդ տեղերը:
Հայ գրոսմայստերը մրցաշարի գործող հաղթողն էր եւ չպաշտպանեց տիտղոսը: Այս տարի նա 13 տուրերում հաղթեց միայն վրացի Բահադուր Ջոբավային, պարտվեց աշխարհի չեմպիոն Մագնուս Կարլսենին, ԱՄՆ-ը ներկայացնող Ուեսլի Սոյին եւ չինացի Դին Լիրենին ու 9 պարտիա ավարտեց ոչ ոքի: Լեւոն Արոնյանը Tata Steel-ի քառակի հաղթող է: Նա Վեյկ Ան Զեեում տիտղոս է նվաճել 2007-ին, 2008-ին, 2012-ին եւ 2014-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։